Хыпарсем: Чӑваш Тимешӗ

АКА

Пӑла хӑпарнипе ялсенчи ҫуртсем шыва кайнӑ
■ Никита Сурский | 11.04.2018 10:39 |

#Вӑрмар районӗ, #Сӗнтӗрвӑрри районӗ, #Комсомольски районӗ, #Канаш районӗ, #Йӗпреҫ районӗ, #Патӑрьел районӗ, #Элӗк районӗ, #Вӑтаел, #Чӑваш Тимешӗ, #Кӗҫӗн Арапуҫ, #Тӑрӑн, #Анат Туҫа, #Патӑрьел, #ейӳ, #Ҫӗрпӳ районӗ, #Елчӗк районӗ, #Тӑвай районӗ, #Ҫӗмӗрле, #Пӑла

Ял пурнӑҫӗ

Ҫанталӑк тӑрук ӑшӑтнине пула ӗнер, ака уйӑхӗн 10-мӗшӗнче, Чӑваш Енри 11 районпа хулара пурӑнмалли ҫуртсемпе хуҫалӑхсем шыва кайнӑ.

Республикӑн ГКЧСӗ пӗлтернӗ тӑрӑх, ку инкек Элӗк, Патӑрьел, Йӗпреҫ, Канаш, Комсомольски, Сӗнтӗрвӑрри, Вӑрмар, Ҫӗрпӳ, Елчӗк тата Тӑвай районӗсенчи хӑш-пӗр ялта, Ҫӗмӗрле хулинче пурӑнакансене пырса тивнӗ.

Ейӳ сарӑлнипе ҫыхӑннӑ лару-тӑру Патӑрьелпе Комсомольски тӑрӑхӗсенче уйрӑмах ҫивӗч. Кунта район администрацийӗсен пуҫлӑхӗсен йышӑнӑвӗпе килӗшӳллӗн юханшывсенче шыв шайӗ хӑпарнӑран район ертӳҫисене, ял тӑрӑхӗсен пуҫлӑхӗсене талӑкӗпех ӗҫлемелли йӗрке ҫине куҫарнӑ. Патӑрьел районӗнче Пӑла ҫырантан тухса кайнӑ, ҫавна май Патӑрьел, Анат Туҫа, Тӑрӑн, Кӗҫӗн Арапуҫ, Чӑваш Тимешӗ тата Вӑтаел ялӗсем шыва каяс хӑрушлӑх тухса тӑнӑ.

Хыпар ҫӑлкуҫӗ: http://moygorod-online.ru/inci...ents/incidents_34578.html